చిన్న చిన్న మావిడి పిందెలతో ఆవబద్దలు పెట్టేది అమ్మ. మామూలు టేంపరరీ ఆవబద్దల్లా కాక చిన్న చిన్న పిందెలతో పెట్టడం వల్ల దీనికి ’వగరు రుచి అదనం. ఈ ఆవబద్దల వెనుక ఒక కమ్మటి జ్ఞాపకం ఉంది..మా క్వార్టర్స్ లో, పక్కనే ఉన్న రేడియో స్టేషన్ ఆవరణలోనూ మావిడి చెట్లు ఉండేవి. ఉగాది సమయానికి ఆ చెట్ల నిండా మావిడి పిందెలు కళకళలాడుతూ ఉండేవి. కాస్త ఎక్కువ గాలి వీస్తే కొన్ని పిందెలు రాలిపడిపోతూ ఉండేవి. మా క్వార్టర్స్ లో అందరికీ పనులు చేసిపెట్టే ప్యూన్ ఒకతను ఉండేవాడు. అతను బుజ్జి బుజ్జి మావిడి పిందెలు రాలినప్పుడల్లా ఏరుకొచ్చి అడిగినవాళ్లందరికీ ఇస్తుండేవాడు....