బీరకాయ అట్టు మా తాతమ్మగారు(నాన్న అమ్మమ్మగారు) మా చిన్నప్పుడు చేసేవారు. తరిగిన బీరకాయ ముక్కలూ, నానబెట్టిన గుప్పెడు బియ్యాన్ని కలిపి, పచ్చిమిర్చి వేసి రోటిలో రుబ్బి అట్టులా వేసి అన్నంలో (కూర బదులు) నెయ్యి వేసి, ముద్దలు చేసి తినిపించేవారు. ఆ రుచి నాలిక మీదే ఉంటుంది ఇప్పటికీ. వంటలో అంత గొప్ప చెయ్యి ఆవిడది. చాలా ఓర్పుగా, నిదానంగా చేసుకోవాల్సిన అట్లు ఇవి. రుచి మాత్రం అమోఘం. నాకు బాగా ఇష్టం. పెద్దయ్యాకా తాతమ్మలా బీరకాయ అట్టు చేద్దామని చాలా సార్లు ప్రయత్నించి విఫలమయ్యాను....:) చిన్నప్పుడు తెలీదు మరి ఇలా వంటలు వండుతానని. లేకపోతే...

బీరకాయ...ఇష్టమైన కూరల్లో ఒకటి !! బీరకాయతో భలే భలేగా బోలెడు రకాలు వండుకోవచ్చు. బీరకాయతో పప్పు(ముద్దగానూ, పొడిగానూ కూడా), పచ్చడి, బజ్జీలు, బీరకాయ అట్టు(ఇది చాలా ఇష్టం నాకు), బీరకాయ+మెంతికూర మొదలైనవి. ఇక కూరల సంగతికొస్తే బీరకాయ ఉల్లికారం, బీరకాయ శనగపప్పు కారం, బీరకాయ పోపు కూర, బీరకాయ బంగాళాదుంప మొదలైనవి చేసుకోవచ్చు. ఇవన్నీ అందరికీ తెలుసున్నవే. ఇక బీరపొట్టుతో: ఇక బీరపొట్టుతో కూడా చాలా రకాలు వండుకోవచ్చు. బీరపొట్టు పచ్చడి, పొడికూర, తియ్యగా మెంతులు వేసిన పొడికూర, కొత్తిమీర కలిపి పచ్చడి etc. మా ఇంట్లో బీరకాయ వండితే తప్పక...

అట్లు చాలా రకలు ఉన్నాయి. వాటిల్లో చేతి అట్లు ఒక రకం. పిండి కొంచెం గట్టిగా కలుపుకుని చేతితో(చెయ్యి కాలకుండా) పెనం మీద వేసే అట్టుని "చేతి అట్టు" అంటాము. అలా చేసుకునే చేతి అట్లలో ఒకటి సగ్గుబియ్యం అట్టు. సగ్గుబియ్యంతో ఒడియాలు,పరమాన్నం, హల్వా, కిచిడీ, వడలు మొదలైనవి ఎప్పుడూ చేసుకునేవే. ఈ సగ్గుబియ్యం అట్టు నా ఫ్రెండ్ దగ్గర నేర్చుకున్నాను. నాకు బాగా నచ్చుతుంది. స్టార్చ్ ఎక్కువ ఉంటుంది కాబట్టి వెయిట్ కాన్షియస్, డయాబెటిక్ అయితే వాడటం మంచిది కాదు. అయితే ఈ అట్టులో బంగాళాదుంపలు కలుపుతాం కాబట్టి పిల్లలకు మంచి ఎనర్జీ నీ ఇస్తుంది....

శ్రావణమాసం వచ్చిందంటే నోములు, పేరంటాలు, వాయినాలు శనగలు...! ఆ శనగలతో వడలు, వాటిని పొగచడం, పాఠోళీ, చోలే కూర మొదలైన రకలన్నీ ఇంట్లో చేసేవారు. అన్నింటికన్నా నాకు బాగా ఇష్టమైనది పాఠోళీ.ఈ వంటకానికి ఈ పేరు ఎలా వచ్చింది వగైరా వివరాలు తెలీదు కానీ అది చేయటమ్ మాత్రం నేర్చుకున్నాను.పాఠోళీ చేసే విధానం:* ఇది పెద్ద (తెల్ల)శనగలు కాకుండా నల్లగా, చిన్నగా ఉండే శనగలతో చేసుకుంటేనే రుచిగా ఉంటుంది.* మొలకెత్తిన లేక నానబెట్టిన శనగలు ఉంటే సరే, లేకపోతే ముందురోజు రాత్రి శనగలు నానబెట్టుకోవాలి.* పచ్చి శనగలు, పచ్చిమిర్చి, అల్లం, ఉప్పు బాగా మెత్తగా గ్రైండ్...