skip to main | skip to sidebar

Pages

  • Home

రుచి...the temptation

"The best way to a man's heart is through his stomach."

శనగలతో పాఠోళీ

8:45 PM | Publish by తృష్ణ


శ్రావణమాసం వచ్చిందంటే నోములు, పేరంటాలు, వాయినాలు శనగలు...! ఆ శనగలతో వడలు, వాటిని పొగచడం, పాఠోళీ, చోలే కూర మొదలైన రకలన్నీ ఇంట్లో చేసేవారు. అన్నింటికన్నా నాకు బాగా ఇష్టమైనది పాఠోళీ.

ఈ వంటకానికి ఈ పేరు ఎలా వచ్చింది వగైరా వివరాలు తెలీదు కానీ అది చేయటమ్ మాత్రం నేర్చుకున్నాను.




పాఠోళీ చేసే విధానం:

* ఇది పెద్ద (తెల్ల)శనగలు కాకుండా నల్లగా, చిన్నగా ఉండే శనగలతో చేసుకుంటేనే రుచిగా ఉంటుంది.

* మొలకెత్తిన లేక నానబెట్టిన శనగలు ఉంటే సరే, లేకపోతే ముందురోజు రాత్రి శనగలు నానబెట్టుకోవాలి.

* పచ్చి శనగలు, పచ్చిమిర్చి, అల్లం, ఉప్పు బాగా మెత్తగా గ్రైండ్ చేసుకోవాలి. కొద్దిగా నీళ్ళు చల్లుకోవచ్చు రుబ్బేటప్పుడు కానీ మరీ పేస్ట్ లా అవకూడదు.

(ఎవరు తినగలిగే కారానికి తగినన్ని పచ్చిమిర్చి వాళ్ళు వేసుకోవాలి. నేనయితే పావుకేజీ శనగలకు 4 పచ్చిమిర్చి వేస్తాను.)

* పావుకేజీ శనగలకు రెండు పెద్ద ఉల్లిపాయలు చిన్నగా తరుగుకోవాలి. ఎత్తుకి ఎత్తు ఉల్లిపాయలు వేస్తే రుచి అని చెప్పేది అమ్మ.

* ఆవాలు, మినపప్పు, జీలకర్ర, ఇంగువ, కర్వేపాకు, చిటికెడు పసుపు వేసి పోపు వేగాకా తరిగిన ఉల్లిపాయముక్కలు వేసి వేయించాలి.
(శనగలతో కూర కాబట్టి పోపులో శనగపప్పు వేయనక్కరలేదు. కావాలంటే వేసుకోవచ్చు.)

* తరువాత గ్రైండ్ చేసుకున్న శనగల ముద్దను వేగిన ఉల్లిపాయముక్కల్లో వేసి కూర అడుగంటకుండా,మాడకుండా కలుపుతూ ఉండాలి.

* కాసేపటికి కూరంతా పొడిపొడిగా అవుతుంది.

* బాగా వేగింది అనిపించాకా దింపేసుకోవటమే. దగ్గర ఉండి మాడిపోకుండా ఎంత బాగా వేయించగలిగితే అంత రుచి ఈ కూర.

* వేడి వేడి అన్నంలో తినటానికి చాలా బాగుంటుంది.

* పాఠోళీ తయారీకి నూనె మాత్రం కాస్త ఎక్కువే పడుతుంది.



ఇవి పచ్చి సనగలు:


బొంబాయిలో పచ్చి శనగలు బాగా అమ్ముతారు. మేము వెళ్ళిన కొత్తల్లో అవేమిటో తెలిసేవికాదు. తర్వాత నేను కూడా కొని కొన్ని వంట ప్రయోగాలు చేసాను.


*******************************

నల్ల శనగల్లోని పోషకాలు + ఉపయోగాలు:


* వీటిలో ఫోలేట్, ప్రోటీన్, కార్బొహైడ్రేట్లు ఉంటాయి.

* వీటిలో ఫైబర్(పీచుపదార్ధం) ఉంటుంది, కొవ్వు తక్కువగా ఉంటుంది కాబట్టి డయాబెటిస్ ఉన్నవారు కూడా తినవచ్చు.

* కేల్షియం, జింక్, ఐరన్, మెగ్నీషియం, ఫోస్ఫరస్ మొదలైన మినరల్స్ కూడా వీటిల్లో ఉంటాయి.

* రక్తం లోని కొలెస్ట్రాల్ ను కూడా ఇవి తగ్గించగలవని ఇటీవలి పరిశోధనల్లో ఋజువైందట.

* ఈ శనగలను ఉడకపెట్టుకుని తింటే కడుపు నిండినట్లనిపిస్తుంది + మంచి ఎనర్జీను ఇస్తాయి.



Labels: pulses, కూరలు 16 comments
16 Responses
  1. రాధిక(నాని ) Says:
    September 2, 2010 at 9:24 PM

    తృష్ణ గారు చాలా బాగుంది మీరు చెప్పిన విదానం .పట్రోలివిన్నాను కానీ ఎలా చేయాలో సరిగాతెలియదు.చుసానుకదా తప్పక ట్రై చేసాను.


  2. Anonymous Says:
    September 2, 2010 at 9:33 PM

    తృష్ణ గారు, నానబెట్టిన శెనగలను ఉడికించకుండానే రుబ్బాలా?


  3. సూర్యుడు Says:
    September 2, 2010 at 9:54 PM

    పాట్రోళీ నా లేక పాటోళీ నా?


  4. Overwhelmed Says:
    September 2, 2010 at 10:33 PM

    Baagundandi.. Eee sari try chestanu.


  5. తృష్ణ Says:
    September 3, 2010 at 12:02 AM

    @radhika(naani):తప్పకుండా చేయండి చాలా బగుంటుండి.

    @photodummy:పచ్చి శనగలనే రుబ్బాలండీ.


  6. తృష్ణ Says:
    September 3, 2010 at 12:04 AM

    @సూర్యుడు: పేరు సరిగ్గా కనుక్కున్నానండీ...
    "పాఠోళీ" ట. వాడుకలో ఒక్కో చోటా ఒకోలా పలుకుతారేమోనండీ.

    @ohh baby:తప్పకుండా చేయండి. చాలా బాగుంటుంది.


  7. maha Says:
    September 3, 2010 at 12:27 AM

    చాలా బాగా చెప్పారు. ఇప్పుడే శనగలు నాన పెట్టి వచ్హాను..రేపు తప్పకుండా ట్రై చేస్తాను..


  8. సుజాత వేల్పూరి Says:
    September 5, 2010 at 10:14 AM

    మా ఇంట్లో పచ్చి సెనగపప్పు నానపెట్టి చేస్తారు పాఠోళీ1 రుచి అదుర్సే కానీ బోల్డంత నూనె పడుతుందండీ, ఆరోగ్యానికి అంత మంచిది కాదు.శనగలు కూడా పూర్తిగా వేగిపోతాయి కదా! గోరు చిక్కుళ్ళతో కూడా పాఠోళీ చేస్తారు! మల్లాది వెంకట కృష్ణ మూర్తి తన వంటల పుస్తకంలో రాశాడు.

    పాఠోళీ చేసినపుడు మా అత్తగారు తెల్ల వంకాయలు కాల్చి పచ్చి పులుసు(కొంతమంది పులుసు పచ్చడి అంటారు)చేస్తారు కాంబినేషన్ గా!

    ఇంతా చేసి పాఠోళీ మీద మనకు పేటెంట్స్ లేవు. కర్నాటక/మహారాష్ట్ర వాళ్ళ వంటకం ట ఇది.


  9. తృష్ణ Says:
    September 5, 2010 at 10:50 AM

    @మహా: బాగా వచ్చిందాండీ?

    @సుజాత: మా ఇంట్లో కూడా గోరుచిక్కుడుతో చేస్తారండి. దానికి ఎక్కువ నూనె పట్తదు టేస్ట్ కూడా బాగుంటుంది.
    శనగలతో చేస్తే నూనె ఎక్కువే పడుతుంది కానీ వన్స్ ఇన్ ఏ వైల్ పర్వాలేదనిపిస్తుందండి నాకు. అప్పుడప్పుడు ఐస్క్రీమ్ తినేస్తాం కదా అలాగ..!


  10. maha Says:
    September 6, 2010 at 10:37 AM

    నిజంగా చాలా రుచిగా వుంది..మావారు కొత్త వంటకం అంత తొందరగా నచ్చినది అని చెప్పరు .. కాని ఇది చాల ఇష్టం గా తిన్నారు..చాలా బాగుంది అని చెప్పారు.. ముందుగా మీకు ధన్యవాదములు..


  11. భాస్కర రామిరెడ్డి Says:
    September 12, 2010 at 8:20 AM

    తృష్ణ గారూ...,వినాయకచతుర్థి శుభాకాంక్షలు

    హారం


  12. తృష్ణ Says:
    September 12, 2010 at 5:29 PM

    @maha: good that U've done it well..thankyou verymuch.

    @bhaskara rami reddy: Thankyou for the wishes..wish you the same.


  13. lakshmi sravanthi udali Says:
    September 17, 2010 at 9:41 PM

    అక్కా చాలా బాగుంది ఈ కూర నేను మొన్న మా ఫ్రెండ్ చేస్తే తిన్నాను


  14. మధురవాణి Says:
    October 1, 2010 at 2:20 PM

    తృష్ణ గారూ,
    గోరుచిక్కుళ్ళతో పాఠోళీ అన్నారే.. దయచేసి అదెలా చేయాలో చెప్పరా!


  15. sujatha Says:
    January 19, 2015 at 12:02 PM

    maaayana ammamma garu nanina sanagalaku opigga pottu tesi komchem kandipappu nana petti adi kuda ee sanagalato rubbichestaru adi kuda baguntundi eesari try cheyandi


  16. తృష్ణ Says:
    January 21, 2015 at 12:23 PM

    @sujata:అవునండి మా మామ్మగారు కూడా ఓపిగ్గా శనగల తొక్క తీసే చేసేవారు. కందిపప్పు వేసేవారో లేదో తెలీదు కనుక్కోవాలి.


Post a Comment

« Newer Post Older Post »
"Health is Wealth."

ఇక్కడ వెతకండి..

'రుచి' చూసినవారు

పంచుకున్న రుచులు

  • ►  2015 (3)
    • ►  March (3)
  • ►  2014 (24)
    • ►  December (2)
    • ►  November (2)
    • ►  September (1)
    • ►  July (2)
    • ►  June (4)
    • ►  May (3)
    • ►  April (2)
    • ►  March (7)
    • ►  January (1)
  • ►  2013 (32)
    • ►  December (3)
    • ►  September (4)
    • ►  August (2)
    • ►  July (3)
    • ►  May (1)
    • ►  April (8)
    • ►  March (3)
    • ►  February (1)
    • ►  January (7)
  • ►  2012 (26)
    • ►  December (1)
    • ►  November (3)
    • ►  October (5)
    • ►  June (4)
    • ►  May (5)
    • ►  April (1)
    • ►  March (1)
    • ►  February (4)
    • ►  January (2)
  • ►  2011 (35)
    • ►  December (3)
    • ►  November (6)
    • ►  September (3)
    • ►  August (4)
    • ►  June (2)
    • ►  May (4)
    • ►  April (6)
    • ►  March (5)
    • ►  February (2)
  • ▼  2010 (14)
    • ►  December (6)
    • ▼  September (4)
      • బీరకాయ అట్టు
      • బీరపొట్టు పప్పు
      • సగ్గుబియ్యం చేతి అట్టు
      • శనగలతో పాఠోళీ
    • ►  August (1)
    • ►  June (3)

About

ఇవి కూడా నావే

  • తృష్ణ...
    ఒక కలయిక
    2 months ago
  • మనోనేత్రం
    Millet fest - 2015
    10 years ago
Powered by Blogger.

రుచులు - రకాలు

  • chutneys n పచ్చడ్స్ (19)
  • cooking tips (1)
  • experiments (10)
  • Kitchen Essentials (1)
  • pulses (3)
  • quick & easy (4)
  • recipe links (1)
  • rotis (2)
  • salads (7)
  • snacks n sweets (19)
  • soups and appetizers (2)
  • tiffins (24)
  • అట్లు - రకాలు (6)
  • ఊరగాయలు-రకాలు (12)
  • ఒడియాలు (3)
  • కూరలు (25)
  • చారులు రకాలు (1)
  • టీలు - రకాలు (1)
  • దోశలు రకాలు (7)
  • పప్పులు (4)
  • పులిహోర (4)
  • పులుసులు (2)
  • పెరుగు పచ్చడి (2)
  • మన పిండివంటలు (2)
  • రకరకాల పొడులు (2)
  • రైస్ వెరైటీస్ (6)
  • వేసవి పానీయాలు (7)

'రుచి' ఇష్టపడేవారు

Copyright (c) 2010 రుచి...the temptation. Design by Template Lite
Download Blogger Templates And Directory Submission.