మజ్జిగపులుసును కొందరు "మజ్జిగ చారు" అనీ, కొందరు "చల్ల పులుసు" అని కూడా అంటారు. మేము "మజ్జిగ పులుసు" అంటాం. పుల్లటి పెరుగులో కానీ, తాజా పెరుగులో కానీ కాస్తంత శనగపిండి కలిపి మజ్జిగ పులుసు చేస్తారు. ఒకట్రెండు రోజుల పెరుగు కాస్త కాస్త మిగిలిపోతే, అంతా కలిపి మా ఇంట్లో అమ్మ "మజ్జిగ పులుసు" చేసేది. మరీ పులుపు మాకు ఇష్టం ఉండదు కాబట్టి కాసిని పాలు కలిపేది. మజ్జిగ మరీ పాతది కాకుండా ఉంటేనే దీని రుచి బాగుంటుంది. మా ఇంటిపక్కన కొన్నాళ్ళు గుజరాతీవాళ్ళు ఉన్నారు. వాళ్ళూ కూడా మజ్జిగపులుసు చేసేవారు. "కడీ" అంటారు వాళ్ళు. కానీ దాంట్లోనూ బెల్లం...

(పైన ఫోటో లోనిది అల్లం చారు. క్రింద వరుసలో ఎనిమిదో రకం.)అప్పుడెప్పుడో "బ్లాగాడిస్తా" రవిగారు చారు మీద ఒక అద్భుతమైన టపా రాసారు. ఆసక్తిగల బ్లాగ్మిత్రులు "ఇక్కడ"ఓ లుక్కేయండి. అందులో మొదట్లో చారు మీద ఆయన రాసిన శ్లోకం మా నాన్నగారికి ఆయన నాన్నమ్మగారు చెప్పేవారట. నాన్న మాకు చెప్తూ ఉండేవారు. మా ఇంట్లో(పుట్టింట్లో + అత్తవారింట్లో కూడా ) అందరూ సాంబారు ఇష్టంగా తింటారు కానీ ఎక్కువ చారుప్రియులే. ఏపూట కాపూటే వంట. మళ్ళీ రాత్రి భోజనానికి చారు కొత్తగా పెట్టల్సిందే. బొంబాయిలో ఉన్నప్పుడు మా వింగ్ లో అందరూ పొద్దున్నే రెండు పూటలకీ వండేసి,...

ఫోటోలో సాంబార్లో ముక్కలేవి అని చూస్తున్నరా? ములక్కాడ, ఉల్లిపాయ, టమాటా, కేరెట్, ఆనపకాయ మొదలైన అన్ని ముక్కలు ఉన్నాయి. గిన్నెలోకి ట్రాన్స్ఫర్ చేసేసరికీ అడుక్కి వెళ్ళిపోయాయి..:) అందుకే కనిపించటం లేదు.వంటింట్లో పరిశోధనలు చేసే కాలేజీరోజుల్లో సాంబారు బాగా చెయ్యటానికి కొన్ని కిటుకులు నేర్చుకున్నా. ఆ తరువాత సాంబార్ పౌడర్ కూడా ఇంట్లోనే తయారుచేయటం తెల్సుకుని అదే పద్ధతి ఫాలో అయిపోయి ఘుమఘుమలాడే సాంబార్ రెడీ చేసేస్తూంటాను. నాకు సాంబార్ స్పెషలిస్ట్ అని పేరు కూడా ఉంది తెలుసా? నిఝంగా ! మరి మీరు ఇలా చేసేసి మీ ఇంట్లో మార్కులు కొట్టేయండి.సాంబార్...

ఎండబెట్టిన తరువాత వడియాల్లా అయిపోయే కూరముక్కలను "ఒరుగులు" అంటారు. దొండకాయ, వంకాయ, బెండకాయ, కాకరకాయ మొదలైన కూరలతో ఒరుగులు చేస్తారు. పండిన కూరలు ఉంటే వాటిని తరిగి ఉప్పు, కారం రాసి ఎండబెడితే అవి ఒరుగులైపోతాయి. పచ్చివి కూడా తరిగి ఎండబెట్టుకోవచ్చు. నేను ఒడియాలతో పాటూ ఈ ఒరుగులను కూడా చేస్తూంటాను. పప్పులో, పులుసుల్లో అప్పడాల స్థానంలో ఒరుగుల్ని రీప్లేస్ చేసుకోవచ్చు. ఇంట్లో ఎప్పుడన్నా కూర లేకపోతే వీటిని వేయించుకుని కూరలాగే అన్నంలో అద్దుకు తినేసేవాళ్ళం చిన్నప్పుడు.నాకు ముఖ్యంగా కాకర, దొండ ఒరుగులు ఇష్టం. ఎండల్లోనే కాక మామూలు రోజుల్లో...

నిన్న తృష్ణ టపా చూసిన వారందరూ వచ్చేసినట్లేనా ? ఇదిగో మళ్ళీ నిన్నటి ఫోటో ఇక్కడ పెట్టేసా.. ముందుగా చిన్నమాట...* పొద్దున్న వండిన పప్పు ఏమైనా మిగిలిందా ఇంట్లో..?* క్రితం వారం వాడాకా మిగిలిన స్వీట్ కార్న్ గింజలేమన్నా మీ ఫ్రిజ్ లో ఉన్నాయా?* shells లోనే మొలకెత్తేసి బయటకు కనిపిస్తున్న పచ్చి బఠాణీలు మమ్మల్నికనైనా వాడేసెయ్ వాడేసెయ్ అని దీనంగా చూస్తున్నాయా?ఇవన్నీ ఉంటే వెంఠనే stuffed capsicum చేయటానికి మీరు అర్హులు...:)ఒకప్పుడు శాస్త్రోక్తంగా పనీర్ కొనుక్కొచ్చి, గ్రేట్ చేసి ఈ కూర చేయటానికి వాడేదాన్ని. ఇప్పుడు మరి హెల్త్ కాన్షియస్ అయిపోయాకా...