బచ్చలాకు(malabar spinach) పచ్చడి

కావల్సినవి:

*మూడు బచ్చలాకు కట్టలు

*కాస్త చింతపండు(అర నిమ్మచెక్క అంత) నానబెట్టినది

*పోపులోకి : పావుచెంచా ఆవాలు, అర చెంచా మినపప్పు, కాస్త జీలకర్ర, చిటికెడు ఇంగువ, మూడు ఎండుమిరపకాయలు
* తగినంత ఉప్పు

* 2,3 tsp oil.



తయారీ:

* బచ్చలాకు వలిచి కడగాలి. కాడలు లేతగా ఉంటే వేయచ్చు కానీ ముదురుగా ఉంటే ఆకు ఒక్కటే వలవాలి.

* 2 tsp oil లో బచ్చలాకు + చిటికెడు పసుపు వేసి మాడకుండా కలుపుతూ వేయించాలి.

* తర్వాత 1tsp oil లో పైన చెప్పిన పోపు పదార్థాలతో పోపు వేయించుకోవాలి.

* మిక్సీలో నానబెట్టిన చింతపండు,ఎండుమిర్చి, వేయింఛి చల్లార్చిన బచ్చలాకు కలిపి మరీ మెత్తగా పేస్టా కాకుండా గ్రైండ్ చేసుకోవాలి.

* బచ్చలాకు జిగురుగా ఉంటుంది కాబట్టి గ్రైండర్లో పేస్ట్ అయిపోతుందేమో అనుకుంటే రోట్లో తొక్కుకోవచ్చు కూడా.

* పచ్చడి చేసేప్పుడు పోపు కలిపేసే కన్నా, గిన్నెలోకి తీసాకా పోపు పైన వేసి కలుపుకుంటే బావుంటుంది.

* వేడి వేడి అన్నంతో తింటే ఈ పచ్చడి చాలా బావుంటుంది.

బచ్చలి ఉపయోగాలు ”కందబచ్చలి కూర’టపాలో చూడవచ్చు.