|
కూరలో, ఉప్మాలో కర్వేపాకు వస్తే ఏరి పారేయకుండా తినేవాళ్ళెంత మంది? "పోపులో కర్వేపాకులా ఏరిపారేసారు!" అనే నానుడి కూడా ఉంది..:) చిన్నప్పుడు నేనూ కర్వేపాకు ఏరేసేదాన్ని. కానీ కర్వేపాకులోని ఔషథగుణాలు, ఉపయోగాలు తెలిసాకా ఎప్పుడూ కర్వేపాకును ఏరిపారేయలేదు. ఏ విధంగా కర్వేపాకుని ఎక్కువగా వాడచ్చో కనుక్కుని ఆ విధంగా వాడటం మొదలుపెట్టాను. కర్వేపాకు ఎప్పుడూ తాజాగా ఉన్నది వాడితే ఎక్కువ ఉపయోగకరం.
కర్వేపాకులో ఇనుము, కేల్షియం, ఫోలిక్ ఏసిడ్, ఏంటీఆక్సిడేంట్లు మొదలైనవి ఉన్నాయి. కర్వేపాకు శరీరంలోని చెడ్డ కొలెస్ట్రాల్ ను తగ్గించగలదు; జుట్టు పెరిగేలా, తెల్లబడకుండా చెయ్యగలదు; రక్తంలోని గ్లూకోజ్ లెవెల్స్ తగ్గించగలదు; జీర్ణ శక్తిని పెంచగలదు.... ఇలా ఎన్నో ఉపయోగాలు ఉన్నాయి. కర్వేపాకు ని గురించి మరిన్ని ఉపయోగాలు ఇక్కడ చూడండి:
http://www.diethealthclub.com/health-food/curry-leaves-health-benefits.html
కర్వేపాకుతో నేను కర్వేపాకుపొడి, కర్వేపాకు పచ్చడి, కర్వేపాకు రైస్ చేస్తుంటాను. ఇవాళ కర్వేపాకుతో పచ్చడి గురించి చెప్తానేం.. మిగిలిన రెండూ మరోసారి.
కావాల్సినవి:
* లేత కర్వేపాకు - రెండు గ్లాసులు (250-300 ml నీళ్ళు పట్టే గ్లాసన్నమాట)
* చిన్న నిమ్మకాయంత నానబెట్టిన చింతపండు
*పోపులోకి : మినపప్పు, ఆవాలు, జీలకర్ర, చిటికెడు ఇంగువ, ఆరు,ఏడు ఎండుమిరపకాయలు
*తగినంత ఉప్పు
* రెండు మూడు చెంచాల నూనె
* మూడు, నాలుగు చెంచాల బెల్లం తురుము- optional (తీపి పచ్చడి కావాలనుకుంటేనే)
తయారీ:
* ముందుగా కర్వేపాకు శుభ్రంగా కడిగి ఆరబెట్టాలి. నీళ్ళు ఓడటం తగ్గితే చాలు.
* రెండు చెంచాల నూనెలో కర్వేపాకు మాడకుండా వేయించాలి.
* పోపు కూడా విడిగా వేయించేసుకోవాలి.
* వేగిన ఆకు చల్లరాకా, కర్వేపాకు + నానబెట్టిన చింతపండు + ఎండు మిరపకాయలు, salt కలిపి మెత్తగా గ్రైండ్ చెయ్యాలి.
* తీపి కావాలనుకునేవారు కాస్తంత బెల్లం తురుము కూడా వేసి గ్రైండ్ చేసుకోవచ్చు.
* కర్వేపాకు ముదురుగా ఉంటే పచ్చడి మెత్తగా అవ్వదు. అలాంటప్పుడూ కాస్త గోరువెచ్చని నీళ్ళు గ్రైండ్ చేసేప్పుడు పోసి తిప్పుకుంటే పచ్చడి మెత్తగా అవుతుంది.
*ఈ పచ్చడి అన్నంలోకీ, దోశల్లోకీ కూడా బావుంటుంది.
బాగుందండి.మేము పచ్చడి రుబ్బేటప్పుడు వెల్లుల్లి గబ్బాలు ,జీలకర్ర కలిపి రుబ్బుతామండి.అలా కూడా బాగుంటుంది.కరివెపాకు కొబ్బరి నూనె లో వేసి మరగబెట్టి నేను కొన్ని రోజులు వాడానండి.ఎంటో మంచిగానే పనిచేసినా బద్దకించి మళ్ళీ చేయలేదు.
interesting way to prepare, its like the way my mom makes it.
one guy give this way of preparation to me.
simple if you're feeling lazy -
just mixie lo fresh karepaku, erra merapa ( dry without roasting ), some tamarind & salt. that's it. no frying, roasting , nothing. just mixie unte ok. without water we must mixie it.
takes 2 mins. 1 week waraku it stays out without keeping in fritge. tastes well with atlu or rotis. try it if you're feeling a little lazy. tastes awesome too.